[et_pb_section fb_built=”1″ _builder_version=”4.14.4″ _module_preset=”default” global_colors_info=”{}”][et_pb_row _builder_version=”4.14.4″ _module_preset=”default” global_colors_info=”{}”][et_pb_column type=”4_4″ _builder_version=”4.14.4″ _module_preset=”default” global_colors_info=”{}”][et_pb_text _builder_version=”4.14.4″ _module_preset=”default” hover_enabled=”0″ global_colors_info=”{}” sticky_enabled=”0″]
O pasado día 27 de novembro o club AROMON cerraba a temporada 2021 da FEGADO na súa XXX Liga Galega de Orientación a Pé e na I Liga Galega de Trail-O, organizando as últimas probas de este ano (8ª e 4ª respectivamente).
Ámbolos eventos se celebraron nas marabillosas paraxes do monte Siradella, no O Grove.
Coa situación de vixilancia ante o Covid 19, respectouse escrupulosamente o protocolo vixente da Federación, aprobado pola Xunta de Galicia.
O arranque da xornada foi o Campionato Galego de Distancia Media de Orientación a Pé, que comezou ás 10:00 horas. A meteoroloxía acompañou e, excepto algunha chaparrada mentres se montaban balizas, a maña descorreu soleada, inda que de temperatura fresca.
Uns 200 orientadores federados se reuniron para gozar do terreo técnico que lles esperaba, unha combinación de piñeirais areosos e ladeiras rochosas, con variedade de vexetación e de técnicas de progresión.
O trazado dos recorridos exixiu esforzo físico, adaptación aos cambios de dirección e distintos tipos de terreos, con zonas de carreira limpa e rápida, zonas de lectura precisa entre grandes elementos de rocha e zonas de carreira lenta de escasa visibilidade e vexetación frondosa, todo aderezado coa proximidade do mar e a espectacular praia de A Lanzada e seu istmo dunar.
Os participantes transmitíronlle á organización a súa satisfacción por desfrutar dun mapa tan técnico e bonito, que moitos non coñecían, e apenas usado.
Debido á protección medioambiental existente en diversas partes do mapa, algunhas zonas foron prohibidas e excluídas dos trazados, sendo respectadas por tódolos orientadores e supervisado o exquisito cumprimento da normativa pola organización.
Unha vez finalizada a proba de Orientación a Pé se preparou o seguinte fito da xornada, o evento de Trail-O, a 4ª proba da Iª Liga Galega, unha competición onde o importante non é a cualidade física senón a calidade técnica e a resolución dos desafíos planeados polo trazador.
Ás 14:30 horas, arrancando dende o interior do Centro Vacacional de A Lanzada e ao longo da vía peonal que transcorre paralela ao mapa, os orientadores resolveron un primeiro control cronometrado con tres desafíos (6 balizas en elementos rochosos situados nunha ladeira), e logo 17 desafíos máis en variedade de elementos, desde análise de curva de nivel e formas do terreo, pasando por pedras e afloramentos, coa nosa vexetación sempre matizando a zona. Foi considerada unha proba moi técnica onde ningún dos participantes logrou resolver favorablemente tódolos desafíos planeados.
O recorrido era duns 1100 metros, sensiblemente plano e de grande espectacularidade, có monte Siradella e as súas ladeiras sempre presentes. Tamén pola tarde a meteoroloxía foi respectuosa cos competidores axudando ao desfrute da xornada.
Todo foron felicitacións ao equipo humano organizador das probas, que, con grande xenerosidade, esforzo e dedicación, montaron os eventos de alta calidade, deixando en moi bo lugar o nome do club AROMON Pontevedra.
O traballo das socias e socios do club é impagable e os resultados relocen grazas a ese ánimo colaborador.
A próxima temporada 2022 nos espera, organizando MTBO, Trail-O e Raid…
Pódense ver as fotos da proba no álbum:
https://photos.app.goo.gl/ZnDwJ7B2LBZPopvs6
Onde podedes descargar as que máis vos guste.
Vémonos no monte!
Unha crónica de Ángel Álvarez Serto
[/et_pb_text][/et_pb_column][/et_pb_row][/et_pb_section][et_pb_section fb_built=”1″ _builder_version=”4.14.4″ _module_preset=”default” global_colors_info=”{}”][et_pb_row _builder_version=”4.14.4″ _module_preset=”default” global_colors_info=”{}”][et_pb_column type=”4_4″ _builder_version=”4.14.4″ _module_preset=”default” global_colors_info=”{}”][et_pb_gallery gallery_ids=”11205,11206,11207,11208,11209,11210,11211,11212,11213,11214″ show_title_and_caption=”off” _builder_version=”4.14.4″ _module_preset=”default” global_colors_info=”{}”][/et_pb_gallery][/et_pb_column][/et_pb_row][/et_pb_section]