Obxectivo: Adquirir os coñecementos básicos para progresar con seguridade en terreo de montaña, no que é habitual atopar pasos de dificultade moderada ou puntos conflitivos, coma as Crestas.
Lugar: Serra do Galiñeiro. O venres 19 faremos un previo na oficina do club, presentación do curso e práctica de nós básicos (de 20 a 21:30 h).
Prazas: Mínimo 2 – máximo 4.
Descrición: Dirixido a soci@s federad@s con experiencia na montaña que estean interesadas en dotarse de ferramentas como o uso de corda, nós, instalacións, e material flotante de seguridade, co fin de asegurarse en pasaxes expostas.
Inclúe: organización, monitores e material colectivo (hai que traer o material individual dispoñible).
* Desprazamento por conta dos participantes.
* Esta actividade está subvencionada polo club ao 25% do seu valor, de acordo ca Bolsa de Axuda para Formación de DEPORTISTAS aprobada na Asemblea anual de Soci@s