Este domingo 22 de decembro, no Bar La Buena Vida (R/ Blanco Porto), a partir das 10:30 h, xuntarémonos para programar o calendario de actividades 2025, o ano do 35º aniversario do Club AROMON Pontevedra, cunha gran e ambiciosa proposta de actividades coma xa adiantamos na última Asemblea Xeral celebrada. Se tedes algunha proposta, a máis das que xa nos chegaron a info@aromon.gal, achegádevos, tomamos algo, e indicades o deporte, as datas e unha pequena descrición da mesma.
Propoñémovos como parte activa que sodes deste club, que utilicedes nas vosas publicacións en Redes Sociais de actividades que nos poidan identificar a referenza #aromon35 para celebrar como se merece o esforzo de tantas persoas que son ou foron parte de AROMON (de A Roelo e de Montañeiros).