O deportista do club Aromon, Adrián Moreira, vén de proclamarse 7º no Campionato do Mundo de Raid de Aventura que se celebrou en Sudafrica, tras completar un total de 910 km en 144 horas NON-STOP.
A proba comezou o pasado día 19 de novembro na comarca surafricana de Kouga, reunindo un total de 109 equipos de 33 países diferentes.
O equipo estivo integrado pola brasileira Mariana Pontes, os coruñeses David Senra e Marcos Muiño e o vigués Adrián Moreira.
Nesta proba os equipos tiveron que enfrontarse a un total de 10 sección combinando bicicleta de montaña, trekking e kayak. Seguindo a seguinte secuencia:
S1 – 56km – Pe +1328
S2 – 181km – BTT +2421
S3 – 80km – Pe e cordas + 3112
S4 – 10km – Pe +90
S5 – 65km – kayak
S6 – 3km – Pe
S7 – 224km – BTT +2390m
S8 – 64km – Pe +1500m
S9 – 124km – BTT +2800m
S10 – 32km – Pe +500m
A proba comezou na zona de costa, entre prados, pequenos outeiros e grandes praias con dunas que chegaban ata onde alcanzaba a vista. Despois ía meténdose no interior do país, combinando zona de montañas con zonas de sabana, seca e árida, para volver acabar na costa e volver a ver inmensas dunas e praias infinitas. Un recorrido moi moi inhóspito e salvaxe.
Con este resultado o equipo obtivo o mellor posto acadado ata a data por un equipo galego nun campionato do mundo de raid de aventura.
